Monday, June 27, 2016

بے لاگ دستِ قدرت میں







میرے بلاگ کی یہ سوویں ( 100) پوسٹ ہے اوراس میں بہت خوشی سے یہ خبر دے رہی ہوں کہ  کئی روز بیتابی سے  انتظار  
کرنےکے بعد رمضان رفیق بھائی کی  کوشش اور مہربانی سے پوسٹ کے ذریعہ بے لاگ میرے ہاتھوں تک پہچ گئی ۔۔۔۔جس خلوص و خیال اور جدو جہد سے رمضان بھائی نے ارسال کی ہے اس کے لئے شکریہ کہنا بہت کم ہوگا اللہ ہی ان کو جزائے خیر دے ۔

بچوں نے فون پر جب مجھے بتایا کہ آپ کا پارسل آیا ہے تو میری بے چینی میں مزید اضافہ ہوگیا پھر جب بے لاگ میرے ہاتھوں میں آئی تو بیٹے نے جلدی سے رمضان بھائی کو میسج دینے کہا مگر میں تواسے ایسا الٹ پلٹ کردیکھ رہی تھی جیسے کسی نے پہلی بار کوئی کتاب دیکھی ہو۔ جب کھول کر مطالعہ کیا تو اپنے سارے بلاگرز بھائیوں بہنوں کے نام ستاروں جیسے جگمگا رہے تھے ایک کے بعد دیگر سب کے تحاریر پڑھتی رہی بہت خوشی کا احساس چھایا رہا جن  کو نیٹ پر پڑھنے  ڈھونڈ کرگھورنا پڑتا تھا انہیں ایک جگہ پاکر اچھا  لگ رہا تھا
ہر ایک کا مضمون بہت خوب ہے کوئی نصیحت کررہے ہیں کوئی اپنے بلاگ کے بارے میں بتارہے ہیں تو کوئی اپنی یادیں اور کوئی تجربہ شیئر کررہے ہیں کوئی اپنا علم بانٹ رہے ہیں ۔۔۔۔۔ کئی بلاگرز کے یہ تحاریر کا مجمع قابل تعریف ہے جو انہوں نے اپنے دماغ اور قلم کی صلاحیتیں کو روبہ عمل لاکر بلاگ پرصرف کررہے ہیں یہ ایک اچھا قدم ہے اس طرح ہم بلاگرز کے تحاریر محفوظ بھی ہونگے اور ہمارے فکری و فنی نظریہ عام بھی ہوگا ۔اب کی طرح ہمارے بلاگرز کے محدود قارئین نہیں رہنگے اس نا چیز کو بھی بے لاگ میں شامل فرما  یا گیا ہے، ممنون ہوں ۔


ہرچھ ماہ بعد یا ہر سال یہ سلسلہ چلتے رہنا چاہیے بیشک رمضان بھائی ،خاور بھائی ،ساجد بھائی،زاہد بھائی اور دوسرے احباب کو مسائل اور دشواریاں کا سامنا ہوا ہوگا مگر ایک بار اس نیک کام کی باگ ڈور سنبھالی ہے تو اسے آگے بھی ضرور نبھائیں اپنے احباب کے دلوں کو خوشی اور چہرے پر مسکراہٹ دینا کوئی معمولی کام نہیں ۔  اس تعارفی ایڈیشن میں جو بلاگرز غیر حاضر ہیں آگے وہ بھی آپ کے ساتھ ہونگے اور خوب سے خوب تر کی طرف گامزان رہنگے ۔ان 
شاءاللہ

میری طرف سے اشاعت میں مدد کرنے والے اسے سپلائی کرنے والے خریدنے اور پڑھنے والوں کا دلی شکریہ ادا کرتی ہوں اور ڈھیروں دعائیں آپ سب کےلئےمیری جانب سے۔۔۔۔۔۔۔۔۔۔۔۔

3 comments:

Raja Iftikhar Khan said...

بہت اعلٰی سوپوسٹین پوری ہونے پر مبارک باد، بے لاگ واقعی ایک عمدہ کاوش ہے

افتخار اجمل بھوپال said...

السلام علیکم و رحمۃ اللہ
آپ کا نام ہی دیکھ کر خوشی ہوئی کہ آپ اللہ کے کرم سے بخیریت ہیں ۔ پڑھنا شروع کرتے ہی یہ بھی معلوم ہو گیا کہ آپ ماشاء اللہ خوش و خرم بھی ہیں
ان حضرات نے بلاگز پر اُردو میں لکھی تحاریر کی ترتیب و تالیف کر کے شائع کرنا ہمت کا کام ہے ۔ کیا انہوں نے تمام اُردو بلاگز کو شامل کیا ہے ؟
یہ مجموعہ کس جگہ شائع کیا گیا ہے اور کہاں کہاں سے حاصل کیا جا سکتا ہے ؟ اس کی قیمت کتنی رکھی گئی ہے ؟

شھباز علی منہاس. مسقط said...

اللہ پاک آپکو استقامت دے.

Post a Comment

اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔