Wednesday, November 28, 2018

انجان موت



  کیا ہوا تم یوں دوڑتی کیوں آئی ہو اور اتنی گھبرائی ہوئی کیوں ہو ؟ ارے اس کی طبعیت تو بگڑنے لگی ہے آنکھیں خوف سے پھٹی ہیں ۔آواز حلق میں پھنسی ہے ۔چہرے کا رنگ اڑا ہواہے 
یہ خوف سے کیوں کانپ رہی ہے ؟
ذرا کوئی آئے ۔ دیکھے تو ! میری بیٹی کو پانی پلائے ۔ 

بیٹی یہ لو پانی پی لو تم اب اپنے گھرپر ہو ۔ محفوظ ہو ۔ اب  بتاؤ بھی ہوا کیا ہے ؟ وہ بیٹی کی بیٹھ سہلاتے پوچھنے لگی ۔
امی ی ۔۔ سڑک پر ۔۔ ایک آدمی ۔۔ کو ۔۔ گولی ۔۔۔ مار کر ۔۔۔ گاڑی سے ۔۔۔۔کچل دیا ۔۔۔گیا ہے ۔۔  
میری آنکھوں کے سامنے۔۔۔۔ وہ ہکلا ہکلا کر آہستہ سے بولنے لگی ۔۔
شیششش 
خاموش
ماں منہ پر انگلی رکھکرجتانے لگی 
تم نے کچھ نہیں دیکھا وہاں ،کچھ نہیں ہوا , تم اس بات سے بالکل بے خبر ہو بیٹی ۔ سمجھ رہی ہو نا تم ! میں کیا کہہ رہی ہوں ؟۔۔

وہ ماں کی گود میں منہ چھپا کر اپنے کان آنکھمنھ مضبوطی سے بند کر لی!!!

0 comments:

Post a Comment

اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔